Þegar þetta er skrifað hefur verið tilkynnt um eitt framboð. Jón Lárusson, lögreglumaður, sagðist ætla að bjóða sig fram til þess að færa fólki skýran kost í kapphlaupinu. Fjölmiðlar hafa einnig verið duglegir við að halda spurningakannanir til að athuga hver ætti að fara í framboð. Nú er það bara að sitja fyrir framan tölvuna og ýta á refresh á helstu fréttasíðunum til þess að sjá hver verður næst(ur) til þess að bjóða sig fram.

Nýir miðlar – nýir tímar

Leitin að næsta forseta Íslands er að miklu leiti einstök í ár. Samfélagsmiðlar eru orðnir stór partur af daglegu lífi fólks. Fréttasíður, blogg og umræðutorg eru nú betur tengd síðum á borð við Facebook og Twitter, sem gerir það auðveldara fyrir fólk að deila fréttum og umræðu. Með þetta í huga teljum við að greining á umræðunni gæti nýst til þess að spá fyrir um útkomu kosninganna. Þar af leiðandi ætlum við að fylgjast vel með umræðunni og fyrir kosningar munum við spá fyrir um útkomuna.

Aðferðafræði og rannsóknarspurningar

Miðlar

Við munum fylgjast vel með umræðunni um þá aðila sem fara í framboð og almennt um kapphlaupið. Þar sem að stærsti hluti Íslendinga eru með lokaða Facebook síðu, þá munum við ekki taka inn umræðu af Facebook. Heildarmynd af Facebook gæti gefið ótrúlega góða innsýn í umræðuna, en því miður er það ekki möguleiki. Sömuleiðis tekur Vaktarinn ekki inn allar prentútgáfur af dag- og morgunblöðum og munum við útiloka þá miðla líka. Þess í stað munum við einblína á rafræna fréttamiðla, bloggsíður og umræðutorg.

Greining

Allri umræðu á þeim miðlum sem Vaktarinn nær til verður safnað yfir tímabilið 1. janúar 2012 til kosningadags. Greining á umræðu sem stuðst verður við er magn umræðu, tegund miðla þar sem umræða fer fram og tilfinningavægi umræðunnar.

Rannsóknarspurningar

Hér koma fyrstu drög af rannsóknarspurningunum. Það er líklegt að við munum heimsækja þær aftur seinna og lögum þær ef tilefni er til þess.

1. Hvort skipti meira máli: magn umræðu eða tilfinningavægi umræðunnar?
2. Hefur tegund miðils áhrif á getu til þess að spá fyrir um úrslit?

Þetta eru mjög einfaldar rannsóknarspurningar og munum við fara nánar í þær seinna. Hefur þú góða rannsóknarspurningu í huga sem á heima með þessum?

Svona að lokum þá er hér stutt skýrsla um umræðuna um forseta Íslands og möguleg forsetaframboð.

Þar til næst,
Gummi Gulla
Vaktarinn

Það þarf að móta stefnu í því hvernig ímynd fyrirtækisins á að vera, hvað starfsmenn hafa leyfi til að gera og hvernig eigi að takast á við þetta skemmtilega fyrirbæri sem við köllum samtöl. Þegar kemur að því að skipuleggja sig og setja niður stefnu þarf að hugsa út í að hlusta og mæla.

Þessi hugtök hlusta og mæla eru mjög mikilvæg og þjóna í raun tveim mismunandi hlutverkum. Við skulum skoða þau aðeins betur.

Að hlusta

Það að hlusta (m.o.o. að fylgjast með umræðu) er ferlið að uppgötva nýjar samræður í þeim tilgangi að læra, taka þátt, hjálpa og vinna saman. Þú getur gert þetta með hverjum sem er, hvort það eru núverandi viðskiptavinir, verðandi viðskiptavinir, fyrrverandi viðskiptavinir, skoðanamyndandi fólk eða hver sem er. Það er líka munur á því hvað þú hlustar á og nokkrar leiðir til þess að taka þátt. Þú getur t.d. hlustað á umræðu um vörumerkið þitt, vörur/þjónustur sem þú býður upp á, samkeppnina, það sem er heitt í umræðunni í dag og fleira í þá átt. Þú getur síðan ákveðið að bara hlusta eða taka þátt og gert það með því að nálgast viðkomandi þar sem umræðan á sér stað, flétta honum upp í viðskiptamannaskrá og hafa samband þannig. Þegar kemur að því að hlusta þá skiptir það mestu máli að vera sem næst rauntíma. Markmiðið er að fylgjast með hugtökum og geta brugðist við um leið og eitthvað gerist.

Hvernig hjálpar Vaktarinn þér?

Í Vaktaranum getur þú sett upp leitir byggðar á hugtökum sem þú hefur áhuga á að skoða. Við skoðum alla helstu miðla þar sem umræða á sér stað. Þetta inniheldur fréttasíður, blogg, umræðuvefi, Facebook, Twitter og dagblöð (Fréttablaðið og Morgunblaðið) svo eitthvað sé nefnt. Í hvert skipti sem hugtök sem þú ert að leita að birtast á þessum miðlum grípur Vaktarinn það og birtir í vefviðmóti. Í þessu vefviðmóti getur þú séð hversu oft hugtökin eru nefnd á síðustu 90 dögum, hvernig það hefur verið að þróast, orðaský úr öllum greinunum og síðan listi með öllum greinunum. Þarna getur þú hlustað á þá umræðu sem á sér stað og smellt á þær greinar sem vekja athygli og tekið þátt.

Af hverju er mikilvægt að hlusta?

Það má líkja samfélagsmiðlum við stórt partý eða hanastél. Herbergið er fyllt af fólki sem hefur áhuga á því að tala saman, deila, taka á móti upplýsingum og tengjast, allt á meðan það heldur úti mörgum sjálfstæðum samræðum. Sumar af þessum samræðum geta verið um þig, samkeppnina eða iðnaðinn. Sumar af þessum samræðum geta verið fólk að leita að vörum eins og þínum. Þau munu tala um þessa hluti óháð því hvort þú ert að hlusta eða ekki. Þú myndir hins vegar ekki vita af þessum samræðum ef þú værir ekki að hlusta!

Að mæla

Ólíkt því að hlusta snýst það að mæla um að skoða hlutina yfir tíma. Það að hlusta svarar spurningunni “hver er að tala um [ákveðið hugtak] núna og hvað eru þau að segja?” á meðan mælingar svara spurningum á borð við “hvernig hafa lykilorðin mín þróast yfir tíma?” og “hvernig er það samanburðið við samkeppnina?”. Mælingar leyfa þér að meta hvort þú ert að hafa áhrif og skapa umræðu. Þú getur metið árangur herferða með því að sjá hvort fólk hafði áhuga á að tala um þær.

Hvernig hjálpar Vaktarinn þér?

Með Vaktaranum getur þú séð hversu margar greinar finnast sem innihalda lykilorðin þín. Þú getur kafað betur ofan í hvern miðil fyrir sig eða skilgreint tímabil sem þú hefur áhuga á. Slíkar mælingar er góð leið til þess að meta á yfirborðinu hvort herferðir séu að skila árangri. Ef enginn er að tala um nýju vöruna þína, er þá ekki kominn tími til að setjast aftur niður og meta hvort breyta þurfi um áherslur í skilaboðum til viðskiptavina.

Af hverju er mikilvægt að mæla?

Allir þurfa að svara fyrir útgjöldum. Ef þú ákveður að setja peninga í netmiðla, þá er eins gott að mæla árangurinn af því. Ein mæling er aukin sala eða heimsóknir á síðu, en önnur ekki síðri mæling er hversu margir eru að tala um vöruna eða herferðina. Samfélagsmiðlar eru sífellt að þróast og ótrúlega mikið magn af umræðu á sér stað þar á hverjum degi. Stöðugar mælingar tryggja það að þú sért á réttri leið og missir ekki tengslin við viðskiptavinina.

Samantekt

Það að hlusta og að mæla byggir á sömu upplýsingunum, en þjónar tveimur ólíkum hlutverkum. Þegar kemur að því að búa til stefnu í samfélagsmiðlum þarf að gera grein fyrir því hvernig fyrirtækið á að hlusta og hvernig það á að mæla. Ekki arka í blindni út í samfélagsmiðla, nýttu þér þau tól sem eru til staðar til þess að fylgjast með. Vaktarinn er eitt þeirra, en einnig kemur til greina að nota Google eða aðrar leitarvélar.

Þessi grein var þýdd og aðlöguð frá grein af Mashable.

Vaktarinn

Að hlusta er eitt mikilvægasta skrefið í að ná til og koma á sambandi við viðskiptavini. Árangur á samfélagsmiðlum kemur með því að hlusta og taka þátt í umræðu kringum og um vörumerkið.

Að finna áhugasama

Lykillinn að því að skilja hvar tíma þinn og fjármagn sé best nýttur til að ná viðskiptavinum er fólgin í að vita hvar þessir mögulegu viðskiptavinir eru að ræða saman. Eru þetta bloggarar eða kjósa þeir frekar spjallþræði til þess að ræða saman? Hanga þeir á samfélagsvefjum eða nota þeir þær síður lítið?

Þú getur fylgst með umræðu um iðnaðinn þinn í staðinn fyrir sérstök vörumerki til að skilja hvernig viðskiptavinir eru að nota (eða ekki nota) netið. Sem dæmi, ef ég vinn fyrir bifvélaverkstæði, get ég leitað að umræðu um bíla, árekstra og þessa áhugasömu einstaklinga sem deila ráðum sín á milli eða leita ráða. Þar sem þessi umræða á sér stað vil ég vera og taka virkan þátt. Með þessu móti verður vera þín á netheimum mun skilvirkari til að hitta í mark og þú hefur meiri möguleika á kynnast viðskiptavininum betur.

Að finna samkeppni

Það hafa allir samkeppnisaðila og ef einhver er ekki að tala um þig, getur vel verið að þeir eru að tala um samkeppnina og getur þú lært mikið af þeirri umræðu.

Með því að fá innsýn í hvað viðskiptavinum finnst um samkeppnina og hvaða samkeppnisaðilar eru að taka þátt í umræðunni, færðu upplýsingar sem segja þér heil mikið og geta hjálpað þér. Sömuleiðis er hlutdeild þín í umræðunni innan iðnaðarins, sérstaklega í samanburði við samkeppnina, mjög mikilvægar upplýsingar.

Eitt mikilvægt: Leggðu áherslu á að tengjast viðskiptavinum og byggja upp alvöru samband með þeim. Þetta gildir sérstaklega ef þú ætlar að nálgast viðskiptavini samkeppnisaðila. Ekki elta niður mögulega viðskiptavini og með hefðbundnum miðlum til þess að skipta þér af og kynna vörur og þjónustu á yfirborðskenndan hátt. Myndaðu gott og langlíft samband.

Að finna lausnir

Vandamál, þarfir og óskir mögulegra viðskiptavina eða viðskiptavina samkeppnisaðila koma fram í netheimum daglega. Viðskiptavinir eru að gefa þér heilmikið af upplýsingum um hvaða vandamál þeir vilja að þú leysir sem birtist í öllu frá umsögnum um vörur til óformlegra athugasemda.

Hugsaðu út fyrir vörumerkið og hlustaðu á samræður um þau efni og vandamál sem varan þín eða þjónusta eiga að leysa.

Við köllum þetta að “hlusta á þarfir” og þetta snýst allt um að skilja hvernig þín vara eða þjónusta getur leyst vandamál fyrir fólk og auðveldað þér að tengjast þeim á persónulegum og hjálpsömum nótum þegar þau þurfa mest á þér að halda. Þetta snýst ekki um söluræður. Þetta snýst um að búa til lausn fyrir einhvern sem er að biðja þig um það. Með því að hlusta á umræður fólks sem þekkir ekki endilega þitt vörumerki, en þekkir iðnaðinn, þá getur þú lært að búa til betri og skilvirkari lausnir sem koma til móts við þær þarfir sem fólk hefur.

Þetta er stærra en vörumerkið

Þegar öllu er á botnin hvolft þá snýst þetta ekki bara um að finna vísanir í þitt vörumerki. Umræðan er stærri en vörumerkið og þú þarft að finna mikilvægar samræður innan samfélaga sem þú þjónar og skilja hvernig þau hafa áhrif á þinn rekstur og mögulega vöxt. Þegar þú hlustar þá færðu mikilvægar upplýsingar, innsýn eða skilning á og frá viðskiptavinum.

Vaktarinn

Ef þú hefur einhverjar athugasemdir varðandi heimasíðu Vaktarans, ekki hika þá við að hafa samband með tölvupósti á info (hjá) vaktarinn.is

Kveðja,
Glænýr Vaktari

Með því að búa til RSS veitu er hægt að tengja hana við innri og ytri vefi fyrirtækisins. Þannig getur þú fengið efni um þínar leitir beint á þessa vefi, hvort sem um óritskoðað efni er að ræða, eða efni handvalið af þér.

Uppsetning á einfaldri RSS veitu

Ferlið við að setja upp RSS veitu er mjög einfalt:

1. Þú býrð til leit sem þú vilt fá RSS yfir, eða notar leit sem er nú þegar til
2. Í leitarumsjóninni smellir þú á RSS merkið hægra megin við titil leitar (sjá mynd að neðan)
3. Þegar þú smellir á merkið opnast nýr gluggi með RSS veitunni fyrir tiltekna leit
4. Þú bætir slóðinni við í hvaða RSS lesara sem er (t.d. Google Reader) eða á RSS veituna á innri / ytri vef þíns fyrirtækis
5. Í hvert skipti sem ný færsla fyrir þessa leit finnst hjá Vaktaranum, birtist hún í RSS veitunni þinni

Uppsetning á ritskoðaðri RSS leit

Í sumum tilvikum vilt þú hafa fullkomna stjórn á því hvaða greinar birtast á innri / ytri vefjum þínum.  Í þeim tilvikum getur þú búið til merki í Vaktaranum sem tilgreina hvaða greinar þú vilt að birtist í RSS veitunni þinni.

Þú býrð til merki með því að velja + bæta við merki undir titlum greina í greinalistanum

Þá poppar upp listi yfir öll þau merki sem þú hefur nú þegar búið til.  Ef þú hefur ekki búið til sérstakt RSS merki, þá getur þú gert það með „Umsjón merkja” valmöguleikanum (sjá mynd fyrir ofan), eða einfaldlega með því að slá það inn í leitarstikunni (sjá „Leita eða búa til merki …” á mynd að ofan) og smella á ENTER.

Þegar þessu er lokið, getur þú búið til leit sem skilar aðeins niðurstöðum sem merktar eru með tilteknu merki:

En byrjum á því að kryfja aðeins þá tölfræði sem var í gangi árið 2008.

Skv. Twitterfacts þá voru 84 Íslendingar á Twitter eða einn aðgangur á hverja 3725 íbúa og var okkar maður @BrianSuda fyrstur til að skrá sig. Þá var virkasti notandinn að Twitta 13,18 sinnum á dag.

Sömuleiðis er áhugavert að skoða hversu margir voru virkir, hver hafði flesta fylgjendur og hver var að fylgja flestum. Í heildina litið eru þetta skemmtilegar upplýsingar sem eru dregnar fram og er áhugaverðast að skoða hver breytingin hefur verið.

Hér eru niðurstöður Vaktarans:

Það eru 3532 Íslendingar á Twitter eða einn aðgangur á u.þ.b. hverja 90 íbúa og var @svennirusl, en ekki @briansuda, fyrstur á Íslandi til þess að Twitta. Engu að síður erum við stoltir af okkar manni að hafa verið með þeim fyrstu. Síðastliðinn sólarhring hafa 276 notendur verið virkir, sem er um 8% af heildarfjölda notenda.

Hér fyrir neðan er mynd af þróuninni á Íslandi. Þar eru merktir inn 6 atburðir, sem okkur fannst áhugavert að nefna.

Eins og sést á myndinni þá skráði fyrsti notandinn sig í október 2006 (A). Sprotafyrirtækin eru svo auðvitað með tæknipúlsinn á hreinu og var það Jónas í Gogogic sem skráði fyrsta sprotann í júlí 2007 (B). Fyrsta fyrirtækið kom síðan ekki fyrr en í byrjun árs 2008 og þá var það Iceland Express (C). Þegar líður á árið 2008 fer að aukast í nýskráningum og MBL kemur inn í nóvember (D). Í byrjun árs 2009 hefst svo nýskráningar toppur. Það erfitt að rekja hvað gæti hafa gerst sem olli þessari skyndilegu aukningu. Við teljum að það hafi verið vegna þess að trendsetterinn Oprah byrjaði að Twitta í janúar 2009 (E). Sprengjan var svo stór að meira segja Ríkisskattstjóri sá tækifæri í því að byrja að Twitta í febrúar 2009 (F).

Ef við skoðum hverjir voru fimm fyrstu einstaklingarnir á Twitter, þá sjáum við að @briansuda var í raun þriðji til þess að skrá sig.

• @svennirusl – 26.10.2006
• (@karmaboy – 27.10.2006)
• @GunnarHafdal – 7.11.2006
• @briansuda – 22.11.2006
• @dmd – 2.12.2006
• @ingig – 12.12.2006

Fyrsta tweetið sem kom frá Íslendingi var frá @svennirusl og hljóðaði svo: “Not much.” Hann er samtals búinn að skrifa 57 Tweet og er ennþá virkur, þó ekki kannski eins virkur og aðrir. Annars eru allir af þeim sem eru á þessum topp fimm (sex ef þið lesið listann vel) virkir í dag.

Ástæðan fyrir því að @karmaboy er í sviga er sú að hann er ekki íslenskur né býr á Íslandi, en hann hins vegar Tweetaði þetta: “Lainey and I have been craving Bæjarins Beztu Pylsur”. Kerfið okkar greip þetta og flokkaði hann sem Íslending.

Ef við skoðum fyrirtækin þá var það eins og fyrr segir @gogogic sem skráðu sig fyrst:

@gogogic – 15.7.2007

@icelandexpress – 8.1.2008

@eyjan – 28.1.2008

@icelandreview – 8.5.2008

@siminn – 22.5.2008

Til gamans má geta þá skráði @vaktarinn sig 6. ágúst 2009!

Smá umræða

Twitter er ekki búið að ná sömu vinsældum og Facebook á Íslandi. Þó að 1 af hverjum 92 er með aðgang, þá eru aðeins 8% af þeim virkir. Í byrjun árs 2009 var mjög stór kippur í nýskráningu sem tók að dala þegar leið á árið. Hvort að Twitter sé að staðna á Íslandi er erfitt að segja. Að okkar mati þá verður þetta að öllu leiti bundið við hvort hinn almenni Íslendingur sjái sama virði (eða nýtt) í Twitter og hann gerir í Facebook.

Við ætlum að fylgjast vel með þróuninni á Twitter og gefa ykkur reglulega uppfærslur. Þið getið sömuleiðis fylgst með vaktarinn.is/twitter þar sem mikið af þessum upplýsingum eru uppfærðar í rauntíma.

Hérna fáum við fallega mynd af markaskorun sumarsins, eðlilega eru efstu liðin með mun fleiri mörk skoruð og neðstu liðin með mjög mörg mörk fengin á sig, en það er gaman að sjá til dæmis að Selfoss voru duglegir að skora gegn liðum sem enduðu í neðri sætunum og línurnar mjókka meira er þú ferð til efri liðanna. Keflavík hins vegar hefur ekkert þannig mynstur, og virðist sem að dagsformið hafi skipt mestu sköpum þar á bæ. Svipaða sögu má segja um Stjörnuna þar sem hún átti til að raða inn mörkum og var í raun í 4 sæti yfir skoruð mörk, en skipting markanna hefði mátt vera jafnari til að fá fleiri stig í safnið.

Af þessu má dæma að skemmtilegast hefði fyrir hlutlausan áhorfanda að mæta á Selfoss leiki í sumar, þá hefði hann fengið að líta á 83 mörk skoruð, 81 mörk á Stjörnuleikjum og 79 á FH leikjum. Leiðinlegast hefði verið að mæta á leiki Keflavíkur og fá einungis að sjá 62 mörk, eða á 63 mörk Eyjamanna í ÍBV. En ef við förum í uppskeru á mörkum þá er sóknarliðið í ár FH með 48 mörk, á meðan varnarliðið er Íslandsmeistaralið Breiðabliks sem fengu aðeins 23 mörk á sig í ár á meðan þeir skoruðu aðeins einu marki minna en FH-ingarnir.

Við óskum Blikum til hamingjum með titilinn og hlökkum til næsta sumars sem verður vonandi hlýtt og bjart en með markaregni.

Vaktarinn

Vaktarinn

Keppnin tókst með eindæmum vel þrátt fyrir margar kvartanir ýmist undan dómörum, markaþurrð og jafnvel fótboltatuðrunni sjálfri. Spánverjar sönnuðu sig sem besta liðið í heimi í dag og fylgdu eftir gulli úr evrópukeppni landsliða fyrir tveimur árum með heimsmeistaratitlinum í ár. Í fyrsta sinn vinnur evrópskt lið HM þegar keppnin er haldin utan evrópu. Það er áhugaverð tölfræði og þegar keppnir að þessu tagi eru haldnar þá raðast upp fleiri áhugaverðar tölfræðistaðreyndir. Við hjá Vaktaranum og CLARA höfum gífurlegan áhuga á tölfræði og hvernig skemmtilegt sé að framsetja svona tölfræði.

Það fyrsta sem okkur dettur í hug þegar talað er um tölfræði í fótbolta eru mörk skoruð. Því leikurinn snýst jú um að skora mörk. Þannig við söfnuðum saman hvað hvert lið skoraði mörg mörk og hversu mörg mörk hvert lið fékk á sig. [við hvetjum ykkur til að segja seinustu setningu hratt þrisvar í röð]. Þegar við erum búnir með það þá viljum við sjá á móti hverjum hvert mark var skorað. Þetta er strax orðið frekar mikið af upplýsingum og því mikið verkefni að framsetja þetta gagnasafn. Án frekari málalenginga varð þetta niðurstaðan:

Sækja myndina á Flickr síðu Vaktarans

Hérna erum við búin að raða öllum liðunum efst eftir riðlum og framistöðu liðanna í þeim. Við sjáum hversu mörg mörk þau skoruðu á mótinu og getum síðan fylgt þeim línum til að sjá á móti hvaða liðum þau skoruðu. Breidd línanna táknar hversu mörg mörkin eru og staðsetningin fer á liðið sem skorað var hjá. Eins sést þá neðst hvað liðin fengu mörg mörk á sig og frá hverjum.

Þarna sést t.d. að Þjóðverjar sem lentu í þriðja sæti skoruðu tvöfalt meira af mörkum en Spánverjar sem unnu mótið. Hondúras og Alsír voru einu liðin sem skoruðu ekkert mark. Markaminnstu liðin voru Sviss og Alsír, Sviss fékk eitt mark á sig og skoruðu eitt sjálfir en Alsír skoraði ekkert en fékk á sig tvö mörk og þótt Portúgal hafi skorað sjö mörk á móti Norður Kóreu, þá eru það einu sjö mörkin sem þeir skoruðu á mótinu.

Þarna er hægt að sjá í fljótu bragði mikið af upplýsingum úr einföldu gagnamagni og um að gera að ná í þessa mynd og leyfa HM að lifa aðeins lengur. Vinsamlegast.

Þrátt fyrir að Expóið fékk ekki eins mikið exposure og við hefðum verið til í, þá voru fyrirlestrarnir svo ótrúlega flottir að þetta var vel þess virði.

Hérna er smá samantekt á því helsta sem kom fram.

Jenny Leahy – Bing

Þau hjá Microsoft áttuðu sig á því að Live leitarvélin gékk illa að byggja upp brand og ná í markaðshlutdeild. Þá var farið í það að endurhugsa brandið og vildu þau ná tengingu við hvað leit stæði fyrir.

Bing var valið vegna þess að þau tengdu hljóðið “bing” við það þegar þú leitar að svari og ljósapera kviknar.

Eftir að þau kynntu Bing fóru þau upp frá 8% hlutdeild í 9,9% hlutdeild.

Ekki mikið meira sem kom fram hjá þeim.

Allan Dick, Jr. – Vintage Tub

Allan var ótrúlega hress en hann er markaðsstjóri (CMO) hjá Vintage Tub, sem störtuðu með því að taka baðkör og breyta þeim í vintage looking baðkör. Í dag selja þau meira af hefðbundnum innréttingum, þar sem eftirspurnin er orðin ótrúlega mikil.

Merkilegasta frá honum voru tölur frá Forrester Research um ecommerce. Hér er smá summary:

• Ecommerce sala mun halda áfram að aukast næstu 3 ár (upp í $229.1 million)
• SEO er mest effectívasta leiðin til þess að ná í viðskiptavini fyrir ecommerce (83% völdu)
• Social media er one the rise sem leið til að ná í viðskiptavini (11% völdu)

Annars nefndi hann að þú þarft að hugsa út í menninguna í hverju landi fyrir sig þar sem þú ætlar að markaðssetja þig. Þetta á sérstaklega við í Social Media, Email marketing og online strategíum.

Matt Sewell – Hunterlodge

Hann Matt vinnur hjá Hunterlodge sem er sérhæfir sig í markaðssetningu háskóla í Bretlandi. Hann var partur af social media sessioninu! Hér er smá samantekt á því sem hann talaði um:

Hvað getur social media gert fyrir þig:

• Stýra orðspori
• Auka skilning á vörumerki
• Búa til mikilvægi (salience) fyrir vörumerki
• Auka umtal
• Gefa vörumerki rödd og persónuleika
• Auka tengsl til lengri tím
• Tengja PR við ABL markaðssetningu.

Þegar kemur að háskólum treysta 95,2% meðmælum frá fólki sem hefur prófað að vera í skólanum! Aðeins 1,8% blaðagreinum, 0,8% TV auglýsingum og 0,3% blaðaauglýsingum.

Markmiðið er alltaf að búa til fylgjendur sem aktívt hjálpa þér að sækja fleiri fylgjendur.

En hvernig á að byrja:

• Með því að hlusta…
• Sætta sig við að það er þörf til þess að taka þátt!
• Sætta sig við “stjórnleysið” – þú getur aðeins tekið þetta – ekkert vörumerki getur haft fulla stjórn (online og offline).
• So get over it!

Hvað getur social media ekki verið/gert:

• Virkað án þess að fullur stuðningur sé hjá háskólanum
• Koma í stað áætlunar um markaðssetningu
• Styttri tíma verkefni
• Framleitt þýðingarfullar mælingar strax
• Gert almennilega án raunhæfs budget
• Tryggt niðurstöður
• Komið í stað PR eða ABL advertising

–

Eitthvað var rætt um að glærurnar ættu að fara á netið. Endilega fylgist með á www.rimc.is hvort það komi ekki inn fljótlega.

Annars var þessi ráðstefna mjög góð í heildina litið. Vantar upplýsingar frá 2 af þeim sem voru í social media session hlutanum.

Við tökum kannski smá umræðu um restina af glærunum þegar þær koma á netið!

Kveðja,

Vaktarinn